錢到公事辦火到豬頭爛形容什麼
最近，
“二師兄”的身價暴漲，
街坊好重怨氣。
自古廣州話同豬好有淵源
學識嗮下面嘅“豬”，
街坊就應該可以降火喇~
No。1 發過豬頭
發過豬頭：形容一個人發大財
例句：近排，豬肉咁貴，豬肉榮肯定 “發過豬頭”喇！
No。2 返歸執豬屎
歸執豬屎：沒本事的人只好回鄉下務農
例句：豬肉榮：“貴入貴賣，冇人買。琴日仲要蝕錢，遲啲可能要“返歸執豬屎”喇。
No。3 滾水淥豬腸
滾水淥豬腸：用熱水灼熟豬腸，比喻錢的收入和支出兩個方面都少了。
例句：壓力大咗，生活真繫好似“滾水淥豬腸”噉。
No。4 豬膽伴黃連
豬膽伴黃連—苦作一堆（苦上加苦）
例句：豬一貴，乜都貴，好似食咗“豬膽伴黃連”噉。
No。5 豬仔跌落潲水桶
豬仔跌落潲水桶—有飲有食
例句：窮人日日為豬愁，富人就“豬仔跌落潲水桶”，真系同人唔同命，好醜命生成。
No。6 藤條燜豬肉
藤條燜豬肉：多指長輩用藤條打孩子
例句：有個阿媽因為個仔偷食生豬肉，阿仔差啲食咗餐 “藤條燜豬肉”
No。7 豬狗不如
豬狗不如：人格低下，品行極壞。
例句：而家，仲出現好多豬狗不如嘅人，竟然偷豬肉！
No。8 豬紅煮豆腐，黑白分
豬紅煮豆腐，黑白分明：比喻人能夠分清是非
例句：就算豬價飛上天，做人都系要豬紅煮豆腐，黑白分明。
No。9 跪地餼豬乸
跪地餼豬乸—睇錢份上：為了求利，低聲下氣
例句：為錢又好，為肉又好，總系會有人跪地餵豬乸，乜都做得出。
No。10 豬乸噍田螺
豬乸噍田螺—貪口爽：比喻人說話不負責，只是隨便說說而已。
例句：之前阿公落order唔畀養豬，唔夠豬食，又鼓勵養豬。落order好似“豬乸噍田螺”咁，貪口爽。
No。11 ××靠得住，豬乸識上樹
阿公靠得住，豬乸識上樹：指某個人/集體，靠不住信不過。
例句：頭痛醫頭，腳痛醫腳，阿公靠得住，豬乸識上樹。
No。12 火到豬頭爛，錢到公事辦
火到豬頭爛，錢到公事辦：形容錢能通神。辦事情都必須用金錢打點賄賂，才能辦成。
例句：近幾年，阿公都冇咁蒙塞喇，以前？呵！火到豬頭爛，錢到公事辦，慢慢嚟喇。
雖然乜都貴咗，
但我哋生活都唔使閉翳
船到橋頭自然直
豬食糠，雞啄谷，各有各口福
各位自己友，
你哋仲有咩關於“豬”嘅粵語呢？
可以喺評論區補充喎~
△所有圖源網路